Naledi: Die Goddelike Komedie

Books & Authors

News Desk

“Liefde laat die son en sterre sing”, pryk op die voorblad van Die Goddelike Komedie deur Cas Vos. In hierdie bundel bied Cas Vos ’n merkwaardige vertaling van dele uit die Divina Commedia van Dante Alighieri, stellig ’n hoogtepunt in die religieuse literatuur van die mensheid. Dit is ook die eerste Afrikaanse vertaling van Dante in digvorm. In voortsetting van sy vorige werk ontsluit hierdie oorspronklike gesprek van digter-met-digter ’n klassieke teks in Afrikaans.

Cas Vos is ‘n uitstekende vertaler. Dante se lang reis kan tematies gekoppel word aan Israel se uittog-verhaal. Met sy La Divina Commedia, het Dante in gedagte om die boosheid van die mensdom uit te wys en hy roep die mense op, om saam met hom te werk om ‘n beter gemeenskap van vrede en orde te skep onder leiding van ‘n goeie keiser en pous.

Cas Vos was die Dekaan van die Teologie fakulteit van die Universteit van die Vrystaat vanaf 2000 tot 2010. Hy ontvang die Andrew Murry prys en die Pieter van Drimmelen medalje vanaf die Akademie vir Kuns en Wetenskap vir sy teologiese werk. Ook het Cas Vos verskeie artikels in lokale en internasionale tydskrifte verskyn. Sy mees onlangse werk is die volume ‘In die oomblik’, gepubliseer in 2016.

Leave a Reply